AVTOMOBIL YO'LLARI QO'MITASI RAISI KUBOGI

Farg‘ona viloyati yana bir bor estafeta kubogini qo‘lda saqlab qoldi

 Avtomobil yo‘llari qo‘mitasi tasarrufida 292 ta yo‘l xo‘jaligi korxonalari mavjud bo‘lib, unda faoliyat olib borayotgan ishchi-xizmatchilarning mehnatini  munosib taqdirlash va bo‘sh vaqtlarini mazmunli o‘tkazishlari uchun zarur chora-tadbirlar belgilab olinganligi diqqatga sazovordir. An’anaga kirib borayotgan “Avtomobil yo‘llari qo‘mitasi Raisi kubogi uchun”  sport turniri yuqoridagi fikrga dalildir.

Farg‘ona shahrida joriy yilning 28 — 30-sentyabr kunlari  bo‘lib o‘tgan Qo‘mita raisi kubogi uchun futbol musobaqalari qizg‘in va do‘stona bellashuvlarga boy bo‘ldi.

Turnir o‘yinlari yakunga ko‘ra, 3-o‘rin “Yo‘l loyiha byurosi” MCHJ jamoasiga, 2-o‘rin Sirdaryo viloyati yo‘lchilarga nasib etgan bo‘lsa, 1-o‘rin Farg‘ona viloyati Avtomobil yo‘llari bosh boshqarmasi futbol jamoasiga nasib etdi.

Gʻoliblarni taqdirlash marosimida viloyati Avtomobil yo‘llari bosh boshqarmasi boshlig‘i Abdulboqi Izzatullayev ishtirok etib, barcha yo‘lsozlarni faol ishtiroki uchun minnatdorchilik bildirdi. O‘z o‘rnida turnir g‘oliblariga hamda ishtirokchilariga esdalik sovg‘alarini topshirdi.

Avtomobil yo‘llari qo‘mitasi raisi kubogi sohibi bo‘lgan jamoa Farg‘ona viloyati kelgusi yilda o‘tkaziladigan sport turniriga mezbonlik qilish estafeta Kubogini yana bir bor qo‘lga kiritdi.